Konjuntzioa, 2. partea

Gaur beste argazki bat egin dut, oraingoan bakarrik Ilargiari eta Artizarrari, aprobetxatuz oso elkarrekin ikusten direla. Zuek ere begiratu duzue zerura gaur iluntzean?

Artizarra, Jupiter eta Ilargia, zeruan elkarrekin

Egun hauetako gauetan, badaukagu aukera zeruan Artizarra, Jupiter eta Ilargia oso elkarrekin ikusteko. Hau gertatzen denean esaten dugu konjuntzio bat dagoela zeruan. Gomendatzen dizuet aukera badaukazue begirada bat botatzea zeruari. Hemen daukazue igande gauean ikusten zena. Goian, oso distiratsu, Artizarra duzue, eta behean Jupiter eta Ilargia. Aipatzekoa da Ilargiak duen argitasun berezia. Argitasun hori Lurrak isladatutako argia da:

Arkimedesen printzipioa gasetan

Ba al zenekien Arkimedesen printzipioa gasetan ere gertatzen dela? Gezurra badirudi ere, horrela da; baina hain ahula da bere efektua ez dugula nabaritzen. Hala ere, gas berezi batzuekin gauza harrigarriak gerta daitezke. Gas berezi batzuk hain dira dentsoak, zenbait gauzak bere gainean flotatzen duela, uraren gainean egongo balitz bezala.

Adibidez, sufre hexafluoruro izena duen gasa airea baino 5 bider dentsoagoa da. Aluminio paperez itsasontzi bat egiten badugu, gas horren gainean flotatuko du. Ez duzu zinezten? Ba orduan ikusi hurrengo bideoa:

Arkimedes

Arkimedesen printzipioa hobeto ulertzeko eta bere bizitzari buruz zerbait jakiteko, hona hemen bi bideo. Espero dut gustatuko zaizkizuela.

Landareei buruzko online ariketak

Oraingoan, landareei buruzko gaia birpasatuko dugu zenbait ariketaren bidez:

1. ariketa
2. ariketa
3. ariketa

Ezetz asmatu erantzun guztiak!!

Fotosintesia

Kaixo, berriro gaude hemen lan egiteko prest. Inguruko arloan, landareekin gabiltza jo eta ke. Landareak autotrofoak dira, hau da, beren elikagaiak sortzeko gai dira. Prozesu honetan fotosintesiak parte hartzen du. Hona hemen bideo bat, prozesu hau azaltzen duena:

 

Unibertsoa eta Lurra: online ariketak

Jarraitzen dugu Inguruko 7. gaia lantzen. Gogoratu laster izango dela azterketa! Jarraian daukaguna online egiteko ariketa batzuk dira. Ondo daude birpasatzeko, baina kontuz, badira atal batzuk guk landu ez ditugunak. Beraz, ez zaitezte larritu gehiegi, ez badakizue nola egin ariketaren bat. Egin klik hemen.

Unibertsoa eta Lur planeta

Kaixo lagunok. Dakizuenez, Inguru arloan Unibertsoa eta Lur planeta lantzen ari gara. Zeuen kabuz nahi baduzue zerbait gehiago irakurri espazioari buruz, orduan klikatu jarraian dauzkazuen loturetan. Oso interesgarria da!

Eta jarraian, beste lotura batzuk gure planetari buruzko informazioa aurkitzeko. Ondo pasa!